Maine chand aur sitaro ki tamanna ki thi

Mujhko raato ki siyahi ke siva kuch na mila

Mai vo naghma hoon

Jise pyar ki mahfil na mili

Vo musafir hoon jissey koi bhi manzil na mili 

Zakham paye hain baharou ki tamanna ki thi

Maine chand aur sitaro ki tamanna ki thi

Kisi gesu kisi aanchal ka sahara bhi nahi

Raastey me koi dhundhla sa sitara bhi nahi

Meri nazro ne nazaro ki tamanna ki thi

maine chand aur sitaro ki tamanna ki thi

Meri raahou se juda ho gai rahein unki

Aaj badli nazar aati hai nigahein unki

Jis se is dil ne saharo ki tamanna ki thi

Maine chand aur sitaro ki tamana ki thi

Pyar manga to sisakte hoye araman mile

Chain chaha to umadate hoye tufan mile

Doobtey dil ne kinaro ki tamanna ki thi

Maine chand aur sitaro ki tamanna ki thi

Mujhko rato ki syahi ke siva kuch na mila

Maine chand aur sitaro ki tamanna ki thi.