Shehar Ke Dukandaro
Karobaar-E-Ulfat Mein
Sood Kia Zian Kia Hai,
Tum Na Jaan Pao Gay
Dil Ke Daam Kitne Hein
Khuwab Kitne Mehnge Hein
Aur Naqd-E-Jaan Kia Hai
Tum Na Jaan Pao Gay
Sheher Ke Dukandaron,
Sheher Ke Dukandaron

Koi Kaisay Milta Hai
Phool Kaisay Khilta Hai
Aankh Kaisay Jhukti Hai
Saans Kaisay Rukti Hai
Kaisay Reh Nikalti Hai
Kaisay Baatein Chalti Hai
Shouq Ki Zabaan Kya Hai,
Tum Na Jaan Pao Gay
Sheher Ke Dukandaron,
Sheher Ke Dukandaron

Wasl Ka Sukoon Kya Hai,
Hijr Ka Junoon Kya Hai,
Husn Ka Fusoon Kya Hai,
Ishq Ke Daroon Kya Hai
Tum Mareez-E-Danai
Maslihat Ke Shaydai
Raah-E-Gumrahan Kya Hai,
Tum Na Jaan Pao Gay
Sheher Ke Dukandaron,
 Sheher Ke Dukandaron

Zakhm Kaisay Phaltay Hein
Daagh Kaisay Jaltay Hein
Dard Kaisay Hota Hai
Koi Kaisay Rota Hai
Ashq Kia Hai Nalay Kia
Dasht Kia Hai Chalay Kia
Aah Kia Fughaan Kya Hai,
Tum Na Jaan Pao Gay
Sheher Ke Dukandaron,
Sheher Ke Dukandaron

Namuraad Dil Kaisay Subah Shaam Kartay Hein
Kaisay Zinda Rehtay Hein Aur Kaisay Martay Hein
Tum Ko Kab Nazar Aayi
Ghamzadoon Ki Tanhai
Zeest Be-Umaan Kia Hai,
Tum Na Jaan Pao Gay
Sheher Ke Dukandaron,
Sheher Ke Dukandaron

Janta Hoon Mein
Tum Ko Zouq-E-Shaiyri Bhi Hai
Shaksiyat Sayjanay Mein
Ik Yeh Mahiri Bhi Hai
Phir Bhi Harf Chuntay Ho
Sirf Lafz Suntay Ho
In Ke Darmiyaan Kya Hai,
Tum Na Jaan Pao Gay
Sheher Ke Dukandaron,
Sheher Ke Dukandaron

Tere milnay ka ik lamha...!
bas ik lamha sahi_lekin
bikhar jaay to mousam hai
wafa ka bekaran mosam..!
azal se meherbaan mosam..!!
yeh moasam aankh men utray
tou rangon se dehakti roshni ka
aks kehlaay..!
ye mosam dil men thehray tou
sunehri, sochti saddiyon ka
gehra naqsh ban jaay..!!
teray milnay ka ik lamha___
muqaddar ki lakeeron men
dhanak bharnay ka mosam hai!
yeh mosam,
khoobsoorat shaairee karnay ka mosam hai..!!

mujhe apni pasti ki sharam hay
teri rifaatoun ka khyal hay
magr apnay dil ko main kiya karoon
issay phir bhi shoq wissal hay....
unhay zid hay arz e wisaal sey
mujhe shoq e arz e wisaal hay
wohi ab bhi unka jawaab hay
wohi ab b mera sawal hay....
teri yad me howa jab se gum
teray gum shuda ka ye haal hay
kay naa durr hay na qareeb hay
na firaaq hay na wisaal hay....
ahang aaab rang rawani othaa kay laa
khushiyoun ka naachta howa paani othaa kay laa
kehtay hain umr e rafta kabhi lout.thi nahi
jaa may.kady se meri jawani othaa kay laa !!!!

       
Hai Numayaan Tere Jazbay Ki Sadaqat Mohsin,
Aik Hi Shakhs Ka Barson Tujhe Pagal Rakhna. . .