Zindagi ki dhoop main

Hum’safar k roop main

Banay jo mera saaibaa’n

Hon us main chand khubiyan

Wo khush shakal zaroor ho

Per us main na ghuroor ho

Chaal main waqar ho

Shokhiyon sey piyar ho

Guftugu main narm ho

Mizaj ka na garm ho

Bhaley sey woh ghareeb ho

Per shart hai shareef ho

Nafaasaton ki baat ho

Misal us ki zaat ho

Zarf baa’kamaal ho

Na dil main koi baal ho

Jo bazm ki woh jaan ho

Khuda ka bhi dhiyan ho

Dee’n ki sakht raah main

Day is tarah sey sath woh

Jahan bhi dag’magaaun main

Pakar lay mera haath woh

Faraib day na woh mujhay

Zindagi k morr parh

Kahin parrey na torrna,

Us se naata jorr karr

Haan aisa ho agar kabhi

Main bhool ker alam sabhi

Mai iss sulagti raah per

Uss ka haath thaam ker

Ye zindagi k roz-o-shab,

Mai huns k bus guzaar dun

Kerey wafa jo woh sada

To jaan us pe waar dun

Magr yeh khwab hain merey

Haqeeqaton se bey’khabar…

Haqeeqatain to talkh hain

Aur talkh jaam pee k ab

Koi jhoomta hai kab !

Sara nasha to zar main hai

Ya mai’kaday k dar main hai

Aur zindagi ki dhoop main

Hum’safar k roop main

Koi ban k mera saaibaa’n

Kyun piye yeh talkhiyan !

Woh talkhiyan jo zindagi ki rooh ko nikhaar dain

Azeem ik waqar dain, aur aakhrat sanwaar dain

Ke ab nasha to zar main hai

Ya mai’kaday k dar main hai

Par merey khuwab hain abhi

Haqeeqaton sey bey’khabar

Yeh din to katt he jata hai
talash-e-rukht me lekin
samandar shaam hoti hai
to main ghabra sa jata hon
shajar gum sum say hotay hain
hawa bhi tham si jati hai
wo kaali raat k sayay
tumhari yaad dilatay hain
bara numnaak hota hai
tumhari yaad ka mausum
badan bhi toot jata hai
buhat si karwatain lay kar
to bistar thak sa jata hai
buhat si salwatain lay kar
tarasta kiss tarah say hai
dil-e-baitaab kia likhoon
phir kaisay dil jalatay hain
sulagtay khwabb kia likhoon
main shayir hoon magar jana
sabhi kuch likh nahi paataa
phir aksar aisa karta hoon
tumhara dard, tumhara ghum
saray karb k lamhay
main apnay naam karta hoon
mujhay adat si hai
apnay watan say dour rehnay ki
yeh saray karb sehnay ki
tumhain to choo bhi na payay
yeh saray dard k sayay
dua yeh lab pe ati hai
tumharay naam hoti hai
SAMANDAR SHAAM HOTI HAI
SAMANDAR SHAAM HOTI HAI~!!

Chalo tum ko batatay hain

K tum ko daikh ker dil nay

Kaha k tum rishtaeay jan say bhi ber ker ho

Doa ki sarhadoon per

Jo adhori hay, meri aise tamunna ho

Meray dil ka moqadar ho

K tum ik roshni bun ker, shifa lay ker

Kabhi dustay masiha ki tarha

Ristay hoey, her zahmay dil per ho



Chalo tum ko batatay hain

K tum iman hamara ho

Seray.e. deher main andeshaey zindagani main

Tum hi dil ka sahara ho

Jo rooh k asman pay jagmagaya hay, mohabat say

Suhani shaam ki chahatoon ka pehla tara ho

Wafa ka ista-ara ho

Tumharay qorb ki khoshboo say pather ki tarha hum nay

Sulagti dhoop main phaylao paya hay

Tumharay pyar ki rangeen kanwal thandi hawa say

Sirsiratay hain

Hum saawan main bhegay payroon ko choo lain to

Tumharay lams ki khoshboo kay lamhay jagmagatay hain

Chalo tum ko batatay hain

K hum nay zindagi k sab warq lay ker

Sab hi satroon main likh li hay tumunna tum ko panay ki

Zamanay bher main shayad,kaatib.e.taqdeer k hathoon

Meray dil nay likh li hay tumhari chah ki khwahish

Tumhari arzoowoon ka jo ik idrak hay mauj main

Kisi main ho nahi sakta

Chalo tum ko batatay hain

Chalo tum ko batatay hain.............

Kaho, wo chaand kesa tha?

Kaho, wo dasht kesa tha?

jidhar sub kuch luta aaye

jidher aankhain ganwa aaye,

kaha, selaab jesa tha, bohat chaaha ke bach niklain,

magar sub kuch baha aaye!!!

Kaho, wo hijr kesa tha?

Kbhi choo ker usey dekha?

To tum ne kya bhala paaya?

Kaha, bus aag jesa tha, usey choo ker to apni rooh pe,

tan man jala aaye!!!

Kaho, wo wasl kesa tha?

Tumhain jab choo liya usne,

to kya ehsaas jaaga tha?

Kaha,ik raastey jesa,jidher se bus guzarna tha,

makaa'n lekin bana aaye!!!

Kaho, wo chaand kesa tha?

Falak se jo utar aaya!

Tumhaari aankh main basne.

Kaha wo khwaab jesa tha,nahi ta'abeer thee uski,

usey ik shab sula aaye!!!

Kaho, wo ishq kesa tha?

Bina parkhey kiya tum ne,

Kaha, titli ke rang jesa, bohat kachaa, anokha sa,

jabhi usko bhula aaye!!!

Kaho, wo naam kesa tha?

Jise sehraaw'n or chanchal haawaawn per likha tha.

Kaha, bus mosmo'n jesa, na jaaney kis tarha kis pal,

kisi ro main mita aaye!!!

Tanhai K Sehra Mein,
Yun Chor K Chal Dena!

Chohti Si Shikayat Par,
Mun Mor K Chal Dena!

Ye Kesi MOHABAT Hai?

Ye Kesi Rafaqat Hai?

Gar Pas-e-WAFA Rakh Kar,
Tum Maan Barha Dete!

Be'Laus Rafaqat Par,
Emaan Barha Dete!

Main Fakhar Se
Phir Kehta!

Tum
Jaan-e-Rafaqat Ho!

Tum
Baab-e-MOHABBAT Ho!

Tehreer-e-Sadaqat Ho!

Ye Sub Hai
Magar Tab Bhi!

Hai Mujhko Yaqeen Ab Bhi!

Jo Kuch Bhi Kaha Main ne!

Shikwa Hai
Shikayat Hai
Lekin Ye Haqiqat Hai,

Bus Tum se
MOHABBAT Thi,,

Aur,,,


Tum se MOHABBAT Hai.!

Main Ab Tak Chal Raha Hoon………

Boht Din Se Muje Kuch An Kahe Alfaz Ne Bechain Rakha Hy,

Muje Sone Nahi Dete,
Muje Hansne Nahi Dete,
Muje Rone Nahi Dete,

Yun Lagta Hy K Jese Sans Seene Main Kahi Thehri Hui Si Hy,
Yun Lagta Hy K Jese Garmi Main……

Zra Si Der Ko Barish Baras K Ruk Gyi Ho….
Ghutan Charoo Taraf Pheli Hui Ho,

Boht Din Se Meri Ankhoon Main Sapnoo Ki Koi Doli Nahi Utri….
Boht Din Se Khyaloo Main Dabe Paoon Koi Apna Nahi Aya,
Boht Din Se Mere Jazbaat.

Jo Meri Shairi K Mosmoon Main Rang Bharte Hain……..
Kahin Khoye Hue Se Hain,

Mere Alfaz Bi Soye Hue Hain…..
Main Un Ko Dhoondne Is Zindagi K Dasht Main Nikla To Hoon Lekin…….

Muje Maloom Hy Jazbey Agr Ik Bar Kho Jayen,
To Phir Wapis Nahi Milte……

Muje Maloom Hy Phir Bi….
Abi Ik Aas Baki Hy…..

Main Ab Is Aas Ki Ungli Pakarr K Chal Raha Hoon,

Bazahir Shabnami Thandak Muje Ghere Hue Hy……..
Magar Main Jall Raha Hoon…..

Main Ab Tak Chal Raha Hoon…

Kaha tha na,
K mujh mein honsla hai har ik gham uthany ka,
Har ik tufaan se larne ka,
Main jee lon ga …
Tumhare baad b lekin !
Mujhe tum yaad mat ana.

Wasl Kii Shaam Shab e HijR Mein Tehleel hOii
tAb Kahien jAa Kay Meray IShq Kii Takmeel hOii

Aa Para Mairii Hii Dewaar Ka Saya mUjh Par
DhOop Mairay Liye yOn ChaaOn Mein Tabdeel hOii

Mairi AankhOn Pay bhi GhalbA Tha Kisi ChehRay Ka
lOah e Dil Par Bhi Kisi Ism Ki TaZeel hOii

Neend Kay Chaak Pay Rakha mUjhay kOoza-Gar Nay
Aalm e Khwaab Mein gOya Mairii TakMeel hOii

RaFta RaftA Hii Merii Aankh Mein Utra Paanii
Rafta RAfta Yeh Nazar Phail Kay Ik Jheel hOii

Neend tO Aankh Mein Dar Aaii Kabhi Ki "Ashraf"
Baad mUddat Kay Magar Khwaab Kii TarSeel hOii

Yaad-e-maazi main jo ankhon ko saza di jaye
is say behtar hai k har bat bhula di jaye
 jis sy thori si bhi umeed zyda ho kabhi
aisi har shama sar-e-sham jala di jaaey
main nay apnon k rawayyon say ye mehsoos kya
dill k angan main bhi diwar utha di jaye
main nay yaron k bicharnay say ye seekha "Mohsin"
apny dushman ko bhi jeny ki dua di jaye..